محسن نقوی کی خوبصورت نظم "ابھی ضد نہ کر"

  محسن نقوی کی خوبصورت نظم  "ابھی ضد نہ کر" ابھی ضِد نہ کر، دِلِ بےخَبَر کہ پسِ ہُجُومِ سِتَم گراں ابھی کون تُجھ سے وَفا کرے ابھی ...

 

محسن نقوی کی خوبصورت نظم 

"ابھی ضد نہ کر"

ابھی ضِد نہ کر، دِلِ بےخَبَر

کہ پسِ ہُجُومِ سِتَم گراں

ابھی کون تُجھ سے وَفا کرے

ابھی کِس کو فُرصتیں اِس قَدَر

کہ سَمیٹ کر تیری کِرچیاں

تیرے حَق میں خود سے دُعا کرے

ابھی ضِد نہ کر، دِلِ بےخَبَر

کہ تۂ غُبار‌ِ غَم جہاں

کہاں کھو گئے تِرے چارَہ گَر

کہ رَۂ حَیات میں رائیگاں

کہاں سو گئے تیرے ہَمسَفَر

ابھی غمگساروں کی چوٹ سہہ

ابھی کُچھ نہ سُن ابھی کُچھ نہ کہہ

ابھی ضِد نہ کر، مِرے بے نواء

ابھی ہوسکے تَو سَخی میرے

سب ہی خواب راکھ میں دَفن کر

ابھی ہوسکے تَو یہ سوچ لے

کہ طُلُوعِ اَشک سے پیشتر

کہیں دَرد ہے تَو ہُوا کرے

کوئی چوٹ ہے تَو کُھلا کرے

کَبھی یُوں بھی ہو کہ سَرِاُفُق

تِرے دُکھ کا چاند دَمَک اُٹھے

کوئی ٹِیس خُود سے چَمَک اُٹھے

کِسی شہرِ زَخم فَروش میں

کوئی زَخم خُود سے خَرِید کر

سَبھی عَکس خُود سے کُھرچ کَبھی

کِسی آئینے پہ نہ دِید کر

کَبھی یُوں بھی جَشنِ طَرَب مَنا

کَبھی اِس طَرح سے بھی عِید کر۔۔۔!