جائیں گے ساغرؔ کہاں، اُن کی گلی سے رُوٹھ کر / ساغر صدیقی

  ہنس نہیں سکتے شگُوفے تازگی سے رُوٹھ کر   ہم زمانے میں جئے ہیں ، زندگی سے رُوٹھ کر زلفِ جاناں سے مِلی فکر و نظر  کی  چاندنی ظُلمتیں ہم نے ن...

 

ہنس نہیں سکتے شگُوفے تازگی سے رُوٹھ کر 

 ہم زمانے میں جئے ہیں ، زندگی سے رُوٹھ کر

زلفِ جاناں سے مِلی فکر و نظر  کی  چاندنی

ظُلمتیں ہم نے نکھاریں روشنی سے رُوٹھ کر 

خود منانے کیلئے آئے مجھے دیر و حرم 

 سجدۂ الہام پایا ، بندگی سے رُوٹھ کر 

  غم  سے  رونق  ہو  گئی  کاشانۂ  تقدیر  میں 

مطمئن ہے دِل کی دُنیا ہر خُوشی سے رُوٹھ کر 

 ایک دِن ساقی یہی ٹُوٹے ہُوئے جام و سبُو 

مَیکدے ترتیب دیں گے تِشنگی سے رُوٹھ کر 

  سوچتے ہیں حسرتوں کے موڑ پر شام و سحر 

جائیں گے ساغرؔ کہاں، اُن کی گلی سے رُوٹھ کر

ساغر صدیقی

#everyonehighlightsfollowers