د غنی کلیات ( کلیات غنی خان ) پشتو سےاردو ترجمہ ( ماخام خٹک )

  د غنی کلیات ( کلیات غنی خان )          پشتو سےاردو ترجمہ           ( ماخام خٹک )          نظم :      زندگی جب مستی اور خمار اس سے نکل جائے...

 

د غنی کلیات ( کلیات غنی خان ) 

        پشتو سےاردو ترجمہ

          ( ماخام خٹک )

         نظم :      زندگی

جب مستی اور خمار اس سے نکل جائے

شراب فقط کڑوا پانی رہ جاتا ہے

جب اس میں سرور و غرور نہ ہو

 یہ زندگی بے معنی رہ جاتی ہے

                    ۔۔۔۔۔۔۔

جب محبت سے دل اچٹ جائے

جیسے مسلا ہوا پھول

یا ایک شعلہ نور تھا

یا ایک مشت دھول 

                     ۔۔۔۔۔۔۔۔

جب زندگی میں مشکلیں نہ ہو

جیسے بے نمک طعام

جب کس منہ پر مسکراہٹ نہ ہو

جیسے خاک سے بھرا ہوا جام

                       ۔۔۔۔۔۔ 

جب جوانی میں تکلیفیں نہ ہو

جیسے میان میں رکھی ہوئی تلوار

نہ اس کی چمک نہ اس کی چھنک

زنگ آلود ہو اور بے کار

                          ۔۔۔۔۔۔

جب آرام ہو اور سمام ہو

اور یاری فقط بغرض جائداد ہو

ہر ہما شما شیرہں ہو

ایرا غیرا جب فرہاد ہو

                       ۔۔۔۔۔۔۔۔

جب سر کی بازی لگ جاتی ہے

ادھر قربت رازونیاز بڑھ جاتی ہے

جب سفید تلواروں کی جنگ چڑھ جاتی ہے

ادھر ایاز بھی سامنے آجاتا ہے 

                     ۔۔۔۔۔۔۔

زندگی اگر صرف فرنی چاٹنی ہے

یہ تو سگ بھی کر سکتا ہے

اگر صرف نسل نو ہی بڑھاناہے

یہ تو چوپایا بھی کر سکتا ہے

                         ۔۔۔۔۔۔

زندگی فقط نان ومکان نہیں

نہ یہ انبار لعل و جواہر ہے

نہ یہ فقط عشق و معشوقی ہے

نہ یہ گلوں بھرا باغ ہے

                        ۔۔۔۔۔ 

زندگی تو مسافت مسلسل ہے

کبھی گرنا کبھی اٹھنا

کبھی خوشی کبھی غم

کبھی ہنسنا ک ھی رون

زیست عاشق کی نظر میں

کرن ہے خمار کی

صحرا میں از تلاش بسیار

ڈھوڈنا ہے کوچہ یار

                                 ۔۔۔۔۔۔۔۔

غنی خان  حیدر آباد جیل

                                     11..08..1948