پرچھائیاں ﺳﺎﺣﺮ ﻟﺪﮬﯿﺎﻧﻮﯼ

  احر لدھیانوی کے جب لتا منگیشکر کے ساتھ اختلافات بڑھ گئے،تو ساحر نے ایک نئی گلوکارہ " سدھا ملہوترہ" کی طرف قدم بڑھانا شروع کیا۔اس...

 

احر لدھیانوی کے جب لتا منگیشکر کے ساتھ اختلافات بڑھ گئے،تو ساحر نے ایک نئی گلوکارہ " سدھا ملہوترہ" کی طرف قدم بڑھانا شروع کیا۔اسی دوران " سدھا ملہوترہ" سے ان کے عشق کی داستانیں بڑھنے اور عام ہونے لگیں اور دونوں شادی کرنے کیلئے آمادہ بھی ہوگئے مگر " سدھا" کے والدین ان کے شادی کے خلاف تھے لہذا انھوں نے "سدھا " کی شادی کہیں اور جگہ طے کردی،جب "سدھا" کی شادی کی خبر نکلی اور منگنی ہوگئی تو کچھ اہلِ دل نے کسی عمارت کے چھت پر شامِ ساحِر منانے کا اہتمام کردیا اس میں آخری بار سدھا ملہوترہ بھی شامل ہوئی تھی،کچھ لوگوں نے اظہارِ خیال کیا موسیقاروں اور گلوکاروں نے ساحر کے نغمے الاپے،اور خود "سدھا ملہوترہ" نے بھی ساحِر کے گیت سنائے،آخر میں ساحِر نے اپنی یہ مشہورِ زمانہ نظم بھی سنائی، کہ ؛

چلو اک بار پھر سے اجنبی بن جائیں ہم دونوں

نہ میں تم سے کوئی امید رکھوں دل نوازی کی

نہ تم میری طرف دیکھو غلط انداز نظروں سے

نہ میرے دل کی دھڑکن لڑکھڑائے میری باتوں سے

نہ ظاہر ہو تمہاری کشمکش کا راز نظروں سے

تمہیں بھی کوئی الجھن روکتی ہے پیش قدمی سے

مجھے بھی لوگ کہتے ہیں کہ یہ جلوے پرائے ہیں

مرے ہم راہ بھی رسوائیاں ہیں میرے ماضی کی

تمہارے ساتھ بھی گزری ہوئی راتوں کے سائے ہیں

تعارف روگ ہو جائے تو اس کا بھولنا بہتر

تعلق بوجھ بن جائے تو اس کو توڑنا اچھا

وہ افسانہ جسے انجام تک لانا نہ ہو ممکن

اسے اک خوبصورت موڑ دے کر چھوڑنا اچھا

چلو اک بار پھر سے اجنبی بن جائیں ہم دونوں

~ساحِر لدھیانوی

پرچھائیاں

ﺳﺎﺣﺮ ﻟﺪﮬﯿﺎﻧﻮﯼ

ﺟﻮﺍن ﺭﺍﺕ ﮐﮯ ﺳﯿﻨﮯ ﭘﮧ ﺩﻭﺩﮬﯿﺎ ﺁﻧﭽﻞ

ﻣﭽﻞ ﺭہا ﮨﮯ ﮐﺴﯽ ﺧﻮﺍﺏِ ﻣﺮﻣﺮﯾﮟ ﮐﯽ ﻃﺮﺡ

ﺣﺴﯿﻦ ﭘﮭﻮﻝ، ﺣﺴﯿﮟ ﭘﺘﯿﺎﮞ، ﺣﺴﯿﮟ ﺷﺎﺧﯿﮟ

ﻟﭽﮏ ﺭﮨﯽ ﮨﯿﮟ ﮐﺴﯽ ﺟﺴﻢِ ﻧﺎﺯﻧﯿﮟ ﮐﯽ ﻃﺮﺡ

ﻓﻀﺎ ﻣﯿﮟ ﮔﮭﻞ ﺳﮯ ﮔﺌﮯ ﮨﯿﮟ ﺍﻓﻖ ﮐﮯ ﻧﺮﻡ ﺧﻄﻮﻁ

ﺯﻣﯿﮟ ﺣﺴﯿن ﮨﮯ ﺧﻮﺍﺑﻮﮞ ﮐﯽ ﺳﺮﺯﻣﯿﮟ ﮐﯽ ﻃﺮﺡ

ﺗﺼﻮﺭﺍﺕ ﮐﯽ ﭘﺮﭼﮭﺎﺋﯿﺎﮞ ﺍﺑﮭﺮﺗﯽ ﮨﯿﮟ

ﮐﺒﮭﯽ ﮔﻤﺎﻥ ﮐﯽ ﺻﻮﺭﺕ ﮐﺒﮭﯽ ﯾﻘﯿﮟ ﮐﯽ ﻃﺮﺡ

ﻭﮦ ﭘﯿﮍ ﺟﻦ ﮐﮯ ﺗﻠﮯ ﮨﻢ ﭘﻨﺎﮦ ﻟﯿﺘﮯ ﺗﮭﮯ

ﮐﮭﮍﮮ ﮨﯿﮟ ﺁﺝ ﺑﮭﯽ ﺳﺎﮐﺖ ﮐﺴﯽ ﺍﻣﯿﮟ ﮐﯽ ﻃﺮﺡ

ﺍﻧﮩﯽ ﮐﮯ ﺳﺎﺋﮯ ﻣﯿﮟ ﭘﮭﺮ ﺁﺝ ﺩﻭ ﺩﮬﮍﮐﺘﮯ ﺩﻝ

ﺧﻤﻮﺵ ﮨﻮﻧﭩﻮﮞ ﺳﮯ ﮐﭽﮫ ﮐﮩﻨﮯ ﺳﻨﻨﮯ ﺁﺋﮯ ﮨﯿﮟ

ﻧﮧ ﺟﺎﻧﮯ ﮐﺘﻨﯽ ﮐﺸﺎﮐﺶ ﺳﮯ ﮐﺘﻨﯽ ﮐﺎﻭﺵ ﺳﮯ

ﯾﮧ ﺳﻮﺗﮯ ﺟﺎﮔﺘﮯ ﻟﻤﺤﮯ ﭼﺮﺍ ﮐﮯ ﻻﺋﮯ ﮨﯿﮟ

ﯾﮩﯽ ﻓﻀﺎ ﺗﮭﯽ، ﯾﮩﯽ ﺭﺕ، ﯾﮩﯽ ﺯﻣﺎﻧﮧ ﺗﮭﺎ

ﯾﮩﯿﮟ ﺳﮯ ﮨﻢ ﻧﮯ ﻣﺤﺒﺖ ﮐﯽ ﺍﺑﺘﺪﺍ ﮐﯽ ﺗﮭﯽ

ﺩﮬﮍﮐﺘﮯ ﺩﻝ ﺳﮯ، ﻟﺮﺯﺗﯽ ﮨﻮﺋﯽ ﻧﮕﺎﮨﻮﮞ ﺳﮯ

ﺣﻀﻮﺭِ ﻏﯿﺐ ﻣﯿﮟ ﻧﻨﮭﯽ ﺳﯽ ﺍﻟﺘﺠﺎ ﮐﯽ ﺗﮭﯽ

ﮐﮧ ﺁﺭﺯﻭ ﮐﮯ ﮐﻨﻮﻝ ﮐﮭﻞ ﮐﮯﭘﮭﻮﻝ ﮨﻮ ﺟﺎﺋﯿﮟ

ﺩﻝ ﻭ ﻧﻈﺮ ﮐﯽ ﺩﻋﺎﺋﯿﮟ ﻗﺒﻮﻝ ﮨﻮ ﺟﺎﺋﯿﮟ

ﺗﺼﻮﺭﺍﺕ ﮐﯽ ﭘﺮﭼﮭﺎﺋﯿﺎﮞ ﺍﺑﮭﺮﺗﯽ ﮨﯿﮟ

ﺗﻢ ﺁﺭﮨﯽ ﮨﻮ ﺯﻣﺎﻧﮯ ﮐﯽ ﺁﻧﮑﮫ ﺳﮯ ﺑﭻ ﮐﺮ

ﻧﻈﺮ ﺟﮭﮑﺎﺋﮯ ﮨﻮﺋﮯ ﺍﻭﺭ ﺑﺪﻥ ﭼﺮﺍﺋﮯ ﮨﻮﺋﮯ

ﺧﻮﺩ ﺍﭘﻨﮯ ﻗﺪﻣﻮﮞ ﮐﯽ ﺁﮨﻨﭧ ﺳﮯ ﺟﮭﻨﭙﺘﯽ ﮈﺭﺗﯽ

ﺧﻮﺩ ﺍﭘﻨﮯ ﺳﺎﺋﮯ ﮐﯽ ﺟﻨﺒﺶ ﺳﮯ ﺧﻮﻑ ﮐﮭﺎﺋﮯ ﮨﻮﺋﮯ

ﺗﺼﻮﺭﺍﺕ ﮐﯽ ﭘﺮﭼﮭﺎﺋﯿﺎﮞ ﺍﺑﮭﺮﺗﯽ ﮨﯿﮟ

ﺭﻭﺍﮞ ﮨﮯ ﭼﮭﻮﭨﯽ ﺳﯽ ﮐﺸﺘﯽ ﮨﻮﺍﻭﮞ ﮐﮯ ﺭﺥ ﭘﺮ

ﻧﺪﯼ ﮐﮯ ﺳﺎﺯ ﭘﮧ ﻣﻼﺡ ﮔﯿﺖ ﮔﺎﺗﺎ ﮨﮯ

ﺗﻤﮩﺎﺭﺍ ﺟﺴﻢ ﮨﺮ ﺍﮎ ﻟﮩﺮ ﮐﮯ ﺟﮭﮑﻮﻟﮯ ﺳﮯ

ﻣﺮﯼ ﮐﮭﻠﯽ ﮨﻮﺋﯽ ﺑﺎﮨﻮﮞ ﻣﯿﮟ ﺟﮭﻮﻝ ﺟﺎﺗﺎ ﮨﮯ

ﺗﺼﻮﺭﺍﺕ ﮐﯽ ﭘﺮﭼﮭﺎﺋﯿﺎﮞ ﺍﺑﮭﺮﺗﯽ ﮨﯿﮟ

ﻣﯿﮟ ﭘﮭﻮﻝ ﭨﺎﻧﮏ ﺭﮨﺎ ﮨﻮﮞ ﺗﻤﮩﺎﺭﮮ ﺟﻮﮌﮮ ﻣﯿﮟ

ﺗﻤﮩﺎﺭﯼ ﺁﻧﮑﮫ ﻣﺴﺮﺕ ﺳﮯ ﺟﮭﮑﺘﯽ ﺟﺎﺗﯽ ﮨﮯ

ﻧﮧ ﺟﺎﻧﮯ ﺁﺝ ﻣﯿﮟ ﮐﯿﺎ ﺑﺎﺕ ﮐﮩﻨﮯ ﻭﺍﻻ ﮨﻮﮞ

ﺯﺑﺎﻥ ﺧﺸﮏ ﮨﮯ ﺁﻭﺍﺯ ﺭﮐﺘﯽ ﺟﺎﺗﯽ ﮨﮯ

ﺗﺼﻮﺭﺍﺕ ﮐﯽ ﭘﺮﭼﮭﺎﺋﯿﺎﮞ ﺍﺑﮭﺮﺗﯽ ﮨﯿﮟ

ﻣﺮﮮ ﮔﻠﮯ ﻣﯿﮟ ﺗﻤﮩﺎﺭﯼ ﮔﺪﺍﺯ ﺑﺎﮨﯿﮟ ﮨﯿﮟ

ﺗﻤﮩﺎﺭﮮ ﮨﻮﻧﭩﻮﮞ ﭘﮧ ﻣﯿﺮﮮ ﻟﺒﻮﮞ ﮐﮯ ﺳﺎﺋﮯ ﮨﯿﮟ

ﻣﺠﮭﮯ ﯾﻘﯿﮟ ﮨﮯ ﮐﮧ ﮨﻢ ﺍﺏ ﮐﺒﮭﯽ ﻧﮧ ﺑﭽﮭﮍﯾﮟ ﮔﮯ

ﺗﻤﮩﯿﮟ ﮔﻤﺎﻥ ﮐﮧ ﮨﻢ ﻣﻞ ﮐﮯ ﺑﮭﯽ ﭘﺮﺍﺋﮯ ﮨﯿﮟ

ﺗﺼﻮﺭﺍﺕ ﮐﯽ ﭘﺮﭼﮭﺎﺋﯿﺎﮞ ﺍﺑﮭﺮﺗﯽ ﮨﯿﮟ

ﻣﺮﮮ ﭘﻠﻨﮓ ﭘﮧ ﺑﮑﮭﺮﯼ ﮨﻮﺋﯽ ﮐﺘﺎﺑﻮﮞ ﮐﻮ

ﺍﺩﺍﺋﮯ ﻋﺠﺰﻭ ﮐﺮﻡ ﺳﮯ ﺍﭨﮭﺎ ﺭﮨﯽ ﮨﻮ ﺗﻢ

ﺳﮩﺎﮒ ﺭﺍﺕ ﺟﻮ ﮈﮬﻮﻟﮏ ﭘﮧ ﮔﺎﺋﮯ ﺟﺎﺗﮯ ﮨﯿﮟ

ﺩﺑﮯ ﺳﺮﻭﮞ ﻣﯿﮟ ﻭﮨﯽ ﮔﯿﺖ ﮔﺎﺭﮨﯽ ﮨﻮ ﺗﻢ

ﺗﺼﻮﺭﺍﺕ ﮐﯽ ﭘﺮﭼﮭﺎﺋﯿﺎﮞ ﺍﺑﮭﺮﺗﯽ ﮨﯿﮟ

ﻭﮦ ﻟﻤﺤﮯ ﮐﺘﻨﮯ ﺩﻟﮑﺶ ﺗﮭﮯ ﻭﮦ ﮔﮭﮍﯾﺎﮞ ﮐﺘﻨﯽ ﭘﯿﺎﺭﯼ ﺗﮭﯿﮟ

ﻭﮦ ﺳﮩﺮﮮ ﮐﺘﻨﮯ ﻧﺎﺯﮎ ﺗﮭﮯ ﻭﮦ ﻟﮍﯾﺎﮞ ﮐﺘﻨﯽ ﭘﯿﺎﺭﯼ ﺗﮭﯿﮟ

ﺑﺴﺘﯽ ﮐﯽ ﮨﺮ ﺍﮎ ﺷﺎﺩﺍﺏ ﮔﻠﯽ ﺧﻮﺍﺑﻮﮞ ﮐﺎ ﺟﺰﯾﺮﮦ ﺗﮭﯽ ﮔﻮﯾﺎ

ﮨﺮ ﻣﻮﺝِ ﻧﻔﺲ، ﮨﺮ ﻣﻮﺝِ ﺻﺒﺎ، ﻧﻐﻤﻮﮞ ﮐﺎ ﺫﺧﯿﺮﮦ ﺗﮭﯽ ﮔﻮﯾﺎ

ﻧﺎﮔﺎﮦ ﻣﮩﮑﺘﮯ ﮐﮭﯿﺘﻮﮞ ﺳﮯ ﭨﺎﭘﻮﮞ ﮐﯽ ﺻﺪﺍﺋﯿﮟ ﺁﻧﮯ ﻟﮕﯿﮟ

ﺑﺎﺭﻭﺩ ﮐﯽ ﺑﻮﺟﮭﻞ ﺑﻮ ﻟﮯ ﮐﺮ ﭘﭽﮭﻢ ﺳﮯ ﮨﻮﺍﺋﯿﮟ ﺁﻧﮯ ﻟﮕﯿﮟ

ﺗﻌﻤﺮ ﮐﮯ ﺭﻭﺷﻦ ﭼﮩﺮﮮ ﭘﺮ ﺗﺨﺮﯾﺐ ﮐﺎ ﺑﺎﺩﻝ ﭘﮭﯿﻞ ﮔﯿﺎ

ﮨﺮ ﮔﺎﻭﮞ ﻣﯿﮟ ﻭﺣﺸﺖ ﻧﺎﭺ ﺍﭨﮭﯽ، ﮨﺮ ﺷﮩﺮ ﻣﯿﮟ ﺟﻨﮕﻞ ﭘﮭﯿﻞ ﮔﯿﺎ

ﻣﻐﺮﺏ ﮐﮯ ﻣﮩﺬﺏ ﻣﻠﮑﻮﮞ ﺳﮯ ﮐﭽﮫ ﺧﺎﮐﯽ ﻭﺭﺩﯼ ﭘﻮﺵ ﺁﺋﮯ

ﺍﭨﮭﻼﺋﮯ ﮨﻮﺋﮯ ﻣﻐﺮﻭﺭ ﺁﺋﮯ، ﻟﮩﺮﺍﺋﮯ ﮨﻮﺋﮯ ﻣﺪﮨﻮﺵ ﺁﺋﮯ

ﺧﺎﻣﻮﺵ ﺯﻣﯿﮟ ﮐﮯ ﺳﯿﻨﮯ ﻣﯿﮟ ﺧﯿﻤﻮﮞ ﮐﯽ ﻃﻨﺎﺑﯿﮟ ﮔﮍﻧﮯ ﻟﮕﯿﮟ

ﻣﮑﮭﻦ ﺳﯽ ﻣﻼﺋﻢ ﺭﺍﮨﻮﮞ ﭘﺮ، ﺑﻮﭨﻮﮞ ﮐﯽ ﺧﺮﺍﺷﯿﮟ ﭘﮍﻧﮯ ﻟﮕﯿﮟ

ﻓﻮﺟﻮﮞ ﮐﮯ ﺑﮭﯿﺎﻧﮏ ﺑﯿﻨﮉ ﺗﻠﮯ، ﭼﺮﺧﻮﮞ ﮐﯽ ﺻﺪﺍﺋﯿﮟ ﮈﻭﺏ ﮔﺌﯿﮟ

ﺟﯿﭙﻮﮞ ﮐﯽ ﺳﻠﮕﺘﯽ ﺩﮬﻮﻝ ﺗﻠﮯ، ﭘﮭﻮﻟﻮﮞ ﮐﯽ ﻗﺒﺎﺋﯿﮟ ﮈﻭﺏ ﮔﺌﯿﮟ

ﺍﻧﺴﺎﻥ ﮐﯽ ﻗﻤﯿﺖ ﮔﺮﻧﮯ ﻟﮕﯽ ﺍﺟﻨﺎﺱ ﮐﮯ ﺑﮭﺎﻭ ﭼﮍﮬﻨﮯ ﻟﮕﮯ

ﭼﻮﭘﺎﻝ ﮐﯽ ﺭﻭﻧﻖ ﮔﮭﭩﻨﮯ ﻟﮕﯽ، ﺑﮭﺮﺗﯽ ﮐﮯ ﺩﻓﺎﺗﺮ ﺑﮍﮬﻨﮯ ﻟﮕﮯ

ﺑﺴﺘﯽ ﮐﮯ ﺳﺠﯿﻠﮯ ﺷﻮﺥ ﺟﻮﺍﮞ ﺑﻦ ﺑﻦ ﮐﮯ ﺳﭙﺎﮨﯽ ﺟﺎﻧﮯ ﻟﮕﮯ

ﺟﺲ ﺭﺍﮦ ﺳﮯ ﮐﻢ ﮨﯽ ﻟﻮﭦ ﺳﮑﮯ، ﺍﺱ ﺭﺍﮦ ﭘﮧ ﺭﺍﮨﯽ ﺟﺎﻧﮯ ﻟﮕﮯ

ﺍُﻥ ﺟﺎﻧﮯ ﻭﺍﻟﮯ ﺩﺳﺘﻮﮞ ﻣﯿﮟ ، ﻏﯿﺮﺕ ﺑﮭﯽ ﮔﺌﯽ، ﺑﺮﻧﺎﺋﯽ ﺑﮭﯽ

ﻣﺎﻭﮞ ﮐﮯ ﺟﻮﺍﮞ ﺑﯿﭩﮯ ﺑﮭﯽ ﮔﺌﮯ، ﺑﮩﻨﻮﮞ ﮐﮯ ﭼﮩﯿﺘﮯ ﺑﮭﺎﺋﯽ ﺑﮭﯽ

ﺑﺴﺘﯽ ﭘﮧ ﺍﺩﺍﺳﯽ ﭼﮭﺎﻧﮯ ﻟﮕﯽ، ﻣﯿﻠﻮﮞ ﮐﯽ ﺑﮩﺎﺭﯾﮟ ﺧﺘﻢ ﮨﻮﺋﯿﮟ

ﺁﻣﻮﮞ ﮐﯽ ﻟﭽﮑﺘﯽ ﺷﺎﺧﻮﮞ ﺳﮯ ﺟﮭﻮﻟﻮﮞ ﮐﯽ ﻗﻄﺎﺭﯾﮟ ﺧﺘﻢ ﮨﻮﺋﯿﮟ

ﺩﮬﻮﻝ ﺍﮌﻧﮯ ﻟﮕﯽ ﺑﺎﺯﺍﺭﻭﮞ ﻣﯿﮟ، ﺑﮭﻮﮎ ﺍﮔﻨﮯ ﻟﮕﯽ ﮐﮭﻠﯿﺎﻧﻮﮞ ﻣﯿﮟ

ﮨﺮ ﭼﯿﺰ ﺩﮐﺎﻧﻮﮞ ﺳﮯ ﺍُﭨﮫ ﮐﺮ، ﺭﻭﭘﻮﺵ ﮨﻮﺋﯽ ﺗﮩﮧ ﺧﺎﻧﻮﮞ ﻣﯿﮟ

ﺑﺪﺣﺎﻝ ﮔﮭﺮﻭﮞ ﮐﯽ ﺑﺪﺣﺎﻟﯽ، ﺑﮍﮬﺘﮯ ﺑﮍﮬﺘﮯ ﺟﻨﺠﺎﻝ ﺑﻨﯽ

ﻣﮩﻨﮕﺎﺋﯽ ﺑﮍﮪ ﮐﺮ ﮐﺎﻝ ﺑﻨﯽ، ﺳﺎﺭﯼ ﺑﺴﺘﯽ ﮐﻨﮕﺎﻝ ﺑﻨﯽ

ﭼﺮﻭﺍﮨﯿﺎﮞ ﺭﺳﺘﮧ ﺑﮭﻮﻝ ﮔﺌﯿﮟ، ﭘﻨﮩﺎﺭﯾﺎﮞ ﭘﻨﮕﮭﭧ ﭼﮭﻮﮌ ﮔﺌﯿﮟ

ﮐﺘﻨﯽ ﮨﯽ ﮐﻨﻮﺍﺭﯾﮟ ﺍﺑﻼﺋﯿﮟ، ﻣﺎﮞ ﺑﺎﭖ ﮐﯽ ﭼﻮﮐﮭﭧ ﭼﮭﻮﮌ ﮔﺌﯿﮟ

ﺍﻓﻼﺱ ﺫﺩﮦ ﺩﮨﻘﺎﻧﻮﮞ ﮐﮯ، ﮨﻞ ﺑﯿﻞ ﺑﮑﮯ ﮐﮭﻠﯿﺎﻥ ﺑﮑﮯ

ﺟﯿﻨﮯ ﮐﯽ ﺗﻤﻨﺎ ﮐﮯ ﮨﺎﺗﮭﻮﮞ ،ﺟﯿﻨﮯ ﮐﮯ ﺳﺐ ﺳﺎﻣﺎﻥ ﺑﮑﮯ

ﮐﭽﮫ ﺑﮭﯽ ﻧﮧ ﺭﮨﺎ ﺟﺐ ﺑﮑﻨﮯ ﮐﻮ، ﺟﺴﻤﻮﮞ ﮐﯽ ﺗﺠﺎﺭﺕ ﮨﻮﻧﮯ ﻟﮕﯽ

ﺧﻠﻮﺕ ﻣﯿﮟ ﺑﮭﯽ ﻣﻤﻨﻮﻉ ﺗﮭﯽ ﻭﮦ ﺟﻠﻮﺕ ﻣﯿﮟ ﺟﺴﺎﺭﺕ ﮨﻮﻧﮯ ﻟﮕﯽ

ﺗﺼﻮﺭﺍﺕ ﮐﯽ ﭘﺮﭼﮭﺎﺋﯿﮟ ﺍُﺑﮭﺮﺗﯽ ﮨﯿﮟ

ﺗﻢ ﺁﺭﮨﯽ ﮨﻮ ﺳﺮِ ﺷﺎﻡ ﺑﺎﻝ ﺑﮑﮭﺮﺍﺋﮯ

ﮨﺰﺍﺭ ﮔﻮﻧﮧ ﻣﻼﻣﺖ ﮐﺎ ﺑﺎﺭ ﺍﭨﮭﺎﺋﮯ ﮨﻮﺋﮯ

ﮨﻮﺱ ﭘﺮﺳﺖ ﻧﮕﺎﮨﻮﮞ ﮐﯽ ﭼﯿﺮﮦ ﺩﺳﺘﯽ ﺳﮯ

ﺑﺪﻥ ﮐﯽ ﭼﮭﯿﻨﭙﺘﯽ ﻋﺮﯾﺎﻧﯿﺎﮞ ﭼﮭﭙﺎﺋﮯ ﮨﻮﺋﮯ

ﺗﺼﻮﺭﺍﺕ ﮐﯽ ﭘﺮﭼﮭﺎﺋﯿﺎﮞ ﺍﺑﮭﺮﺗﯽ ﮨﯿﮟ

ﻣﯿﮟ ﺷﮩﺮ ﺟﺎ ﮐﮯ ﮨﺮ ﺍﮎ ﺩﻭ ﭘﺮ ﺟﮭﺎﻧﮏ ﺁﯾﺎ ﮨﻮﮞ

ﮐﺴﯽ ﺟﮕﮧ ﻣﯿﺮﯼ ﻣﺤﻨﺖ ﮐﺎ ﻣﻮﻝ ﻣﻞ ﻧﮧ ﺳﮑﺎ

ﺳﺘﻤﮕﺮﻭﮞ ﮐﮯ ﺳﺎﺳﯽ ﻗﻤﺎﺭ ﺧﺎﻧﮯ ﻣﯿﮟ

ﺍﻟﻢ ﻧﺼﯿﺐ ﻓﺮﺍﺳﺖ ﮐﺎ ﻣﻮﻝ ﻣﻞ ﻧﮧ ﺳﮑﺎ

ﺗﺼﻮﺭﺍﺕ ﮐﯽ ﭘﺮﭼﮭﺎﺋﯿﺎﮞ ﺍﺑﮭﺮﺗﯽ ﮨﯿﮟ

ﺗﻤﮩﺎﺭﮮ ﮔﮭﺮ ﻣﯿﮟ ﻗﯿﺎﻣﺖ ﮐﺎ ﺷﻮﺭ ﺑﺮﭘﺎ ﮨﮯ

ﻣﺤﺎﺫِ ﺟﻨﮓ ﺳﮯ ﮨﺮﮐﺎﺭﮦ ﺗﺎﺭ ﻻﯾﺎ ﮨﮯ

ﮐﮧ ﺟﺲ ﮐﮯ ﺫﮐﺮ ﺗﻤﮩﯿﮟ ﺯﻧﺪﮔﯽ ﺳﮯ ﭘﯿﺎﺭﺍ ﺗﮭﺎ

ﻭﮦ ﺑﮭﺎﺋﯽ ﻧﺮﻏﮧﺀ ﺩﺷﻤﻦ ﻣﯿﮟ ﮐﺎﻡ ﺁﯾﺎ ﮨﮯ

ﺗﺼﻮﺭﺍﺕ ﮐﯽ ﭘﺮﭼﮭﺎﺋﯿﺎﮞ ﺍﺑﮭﺮﺗﯽ ﮨﯿﮟ

ﮨﺮ ﺍﯾﮏ ﮔﺎﻡ ﭘﮧ ﺑﺪﻧﺎﻣﯿﻮﮞ ﮐﺎ ﺟﻤﮕﮭﭧ ﮨﮯ

ﮨﺮ ﺍﯾﮏ ﻣﻮﮌ ﭘﺮ ﺭﺳﻮﺍﺋﯿﻮﮞ ﮐﮯ ﻣﯿﻠﮯ ﮨﯿﮟ

ﻧﮧ ﺩﻭﺳﺘﯽ، ﻧﮧ ﺗﮑﻠﻒ، ﻧﮧ ﺩﻟﺒﺮﯼ، ﻧﮧ ﺧﻠﻮﺹ

ﮐﺴﯽ ﮐﺎ ﮐﻮﺋﯽ ﻧﮩﯿﮟ ﺁﺝ ﺳﺐ ﺍﮐﯿﻠﮯ ﮨﯿﮟ

ﺗﺼﻮﺭﺍﺕ ﮐﯽ ﭘﺮﭼﮭﺎﺋﯿﺎﮞ ﺍﺑﮭﺮﺗﯽ ﮨﯿﮟ

ﻭﮦ ﺭﮨﮕﺬﺍﺭ ﺟﻮ ﻣﺮﮮ ﺩﻝ ﮐﯽ ﻃﺮﺡ ﺳﻮﻧﯽ ﮨﮯ

ﻧﮧ ﺟﺎﻧﮯ ﺗﻢ ﮐﻮ ﮐﮩﺎﮞ ﻟﮯ ﮐﮯ ﺟﺎﻧﮯ ﻭﺍﻟﯽ ﮨﮯ

ﺗﻤﮩﯿﮟ ﺧﺮﯾﺪ ﺭﮨﮯ ﮨﯿﮟ ﺿﻤﯿﺮ ﮐﮯ ﻗﺎﺗﻞ

ﺍُﻓﻖ ﭘﮧ ﺧﻮﻥِ ﺗﻤﻨﺎﺋﮯ ﺩﻝ ﮐﯽ ﻻﻟﯽ ﮨﮯ

ﺗﺼﻮﺭﺍﺕ ﮐﯽ ﭘﺮﭼﮭﺎﺋﯿﺎﮞ ﺍﺑﮭﺮﺗﯽ ﮨﯿﮟ

ﺳﻮﺭﺝ ﮐﮯ ﻟﮩﻮ ﻣﯿﮟ ﻟﺘﮭﮍﯼ ﮨﻮﺋﯽ ﻭﮦ ﺷﺎﻡ ﮨﮯ ﺍﺏ ﺗﮏ ﯾﺎﺩ ﻣﺠﮭﮯ

ﭼﺎﮨﺖ ﮐﮯ ﺳﻨﮩﺮﮮ ﺧﻮﺍﺑﻮﮞ ﮐﺎ ﺍﻧﺠﺎﻡ ﮨﮯ ﺍﺏ ﺗﮏ ﯾﺎﺩ ﻣﺠﮭﮯ

ﺍﺱ ﺷﺎﻡ ﻣﺠﮭﮯ ﻣﻌﻠﻮﻡ ﮨﻮﺍ ﮐﮭﯿﺘﻮﮞ ﮐﯽ ﻃﺮﺡ ﺍﺱ ﺩﻧﯿﺎ ﻣﯿﮟ

ﺳﮩﻤﯽ ﮨﻮﺋﯽ ﺩﻭﺷﯿﺰﺍﻭﮞ ﮐﯽ ﻣﺴﮑﺎﻥ ﺑﮭﯽ ﺑﯿﭽﯽ ﺟﺎﺗﯽ ﮨﮯ

ﺍﺱ ﺷﺎﻡ ﻣﺠﮭﮯ ﻣﻌﻠﻮﻡ ﮨﻮﺍ ﺍﺱ ﮐﺎﺭﮔﮧِ ﺯﺭﺩﺍﺭﯼ ﻣﯿﮟ

ﺩﻭ ﺑﮭﻮﻟﯽ ﺑﮭﺎﻟﯽ ﺭﻭﺣﻮﮞ ﮐﯽ ﭘﮩﭽﺎﻥ ﺑﮭﯽ ﺑﯿﭽﯽ ﺟﺎﺗﯽ ﮨﮯ

ﺍُﺱ ﺷﺎﻡ ﻣﺠﮭﮯ ﻣﻌﻠﻮﻡ ﮨﻮﺍ ﺟﺐ ﺑﺎﭖ ﮐﯽ ﮐﯽ ﮐﮭﯿﺘﯽ ﭼﮭﻦ ﺟﺎﺋﮯ

ﻣﻤﺘﺎ ﮐﮯ ﺳﻨﮩﺮﮮ ﺧﻮﺍﺑﻮﮞ ﮐﯽ ﺍﻧﻤﻮﻝ ﻧﺸﺎﻧﯽ ﺑﮑﺘﯽ ﮨﮯ

ﺍُﺱ ﺷﺎﻡ ﻣﺠﮭﮯ ﻣﻌﻠﻮﻡ ﮨﻮﺍ، ﺟﺐ ﺑﮭﺎﺋﯽ ﺟﻨﮓ ﻣﯿﮟ ﮐﺎﻡ ﺁﺋﯿﮟ

ﺳﺮﻣﺎﺋﮯ ﮐﮯ ﻗﺤﺒﮧ ﺧﺎﻧﮯ ﻣﯿﮟ ﺑﮩﻨﻮﮞ ﮐﯽ ﺟﻮﺍﻧﯽ ﺑﮑﺘﯽ ﮨﮯ

ﺳﻮﺭﺝ ﮐﮯ ﻟﮩﻮ ﻣﯿﮟ ﻟﺘﮭﮍﯼ ﮨﻮﺋﯽ ﻭﮦ ﺷﺎﻡ ﮨﮯ ﺍﺏ ﺗﮏ ﯾﺎﺩ ﻣﺠﮭﮯ

ﭼﺎﮨﺖ ﮐﮯ ﺳﻨﮩﺮﮮ ﺧﻮﺍﺑﻮﮞ ﮐﺎ ﺍﻧﺠﺎﻡ ﮨﮯ ﺍﺏ ﺗﮏ ﯾﺎﺩ ﻣﺠﮭﮯ

ﺗﻢ ﺁﺝ ﮨﺰﺍﺭﻭﮞ ﻣﯿﻞ ﯾﮩﺎﮞ ﺳﮯ ﺩﻭﺭ ﮐﮩﯿﮟ ﺗﻨﮩﺎﺋﯽ ﻣﯿﮟ

ﯾﺎ ﺑﺰﻡِ ﻃﺮﺏ ﺁﺭﺍﺋﯽ ﻣﯿﮟ

ﻣﯿﺮﮮ ﺳﭙﻨﮯ ﺑﻨﺘﯽ ﮨﻮﮔﯽ ﺑﯿﭩﮭﯽ ﺁﻏﻮﺵ ﭘﺮﺍﺋﯽ ﻣﯿﮟ

ﺍﻭﺭ ﺳﯿﻨﮯ ﻣﯿﮟ ﻏﻢ ﻟﮯ ﮐﺮ ﺩﻥ ﺭﺍﺕ ﻣﺸﻘﺖ ﮐﺮﺗﺎ ﮨﻮﮞ

ﺟﯿﻨﮯ ﮐﯽ ﺧﺎﻃﺮ ﻣﺮﺗﺎ ﮨﻮﮞ

ﺍﭘﻨﮯ ﻓﻦ ﮐﻮ ﺭﺳﻮﺍ ﮐﺮﮐﮯ ﺍﻏﯿﺎﺭ ﮐﺎ ﺩﺍﻣﻦ ﺑﮭﺮﺗﺎ ﮨﻮﮞ

ﻣﺠﺒﻮﺭ ﮨﻮﮞ ﻣﯿﮟ، ﻣﺠﺒﻮﺭ ﮨﻮ ﺗﻢ، ﻣﺠﺒﻮﺭ ﯾﮧ ﺩﻧﯿﺎ ﺳﺎﺭﯼ ﮨﮯ

ﺗﻦ ﮐﺎ ﺩﮐﮫ ﻣﻦ ﭘﺮ ﺑﮭﺎﺭﯼ ﮨﮯ

ﺍﺱ ﺩﻭﺭ ﻣﯿﮟ ﺟﯿﻨﮯ ﮐﯽ ﻗﻤﯿﺖ ﯾﺎ ﺩﺍﺭﻭﺭﺳﻦ ﯾﺎ ﺧﻮﺍﺭﯼ ﮨﮯ

ﻣﯿﮟ ﺩﺍﺭﻭﺭﺳﻦ ﺗﮏ ﺟﺎ ﻧﮧ ﺳﮑﺎ ﺗﻢ ﺟﮩﺪ ﮐﯽ ﺣﺪ ﺗﮏ ﺁ ﻧﮧ ﺳﮑﯿﮟ

ﭼﺎﮨﺎ ﺗﻮ ﻣﮕﺮ ﺍﭘﻨﺎ ﻧﮧ ﺳﮑﯿﮟ

ﮨﻢ ﺗﻮ ﺩﻭ ﺍﯾﺴﯽ ﺭﻭﺣﯿﮟ ﮨﯿﮟ ﺟﻮ ﻣﻨﺰﻝِ ﺗﺴﮑﯿﮟ ﭘﺎ ﻧﮧ ﺳﮑﯿﮟ

ﺟﯿﻨﮯ ﮐﻮ ﺟﯿﮯ ﺟﺎﺗﮯ ﮨﯿﮟ ﻣﮕﺮ ﺳﺎﻧﺴﻮﮞ ﻣﯿﮟ ﭼﺘﺎﺋﯿﮟ ﺟﻠﺘﯽ ﮨﯿﮟ

ﺧﺎﻣﻮﺵ ﻭﻓﺎﺋﯿﮟ ﺟﻠﺘﯽ ﮨﯿﮟ

ﺳﮕﯿﻦ ﺣﻘﺎﺋﻖ ﺯﺍﺭﻭﮞ ﻣﯿﮟ، ﺧﻮﺍﺑﻮﮞ ﮐﯽ ﺭﺩﺍﺋﯿﮟ ﺟﻠﺘﯽ ﮨﯿﮟ

ﺍﻭﺭ ﺁﺝ ﺟﺐ ﺍﻥ ﭘﯿﮍﻭﮞ ﮐﮯ ﺗﻠﮯ ﭘﮭﺮ ﺩﻭ ﺳﺎﺋﮯ ﻟﮩﺮﺍﺗﮯ ﮨﯿﮟ

ﭘﮭﺮ ﺩﻭ ﺩﻝ ﻣﻠﻨﮯ ﺁﺋﮯ ﮨﯿﮟ

ﭘﮭﺮ ﻣﻮﺕ ﮐﯽ ﺁﻧﺪﮬﯽ ﺍﭨﮭﯽ ﮨﮯ ﭘﮭﺮ ﺟﻨﮓ ﮐﮯ ﺑﺎﺩﻝ ﭼﮭﺎﺋﮯ ﮨﯿﮟ

ﻣﯿﮟ ﺳﻮﭺ ﺭﮨﺎ ﮨﻮﮞ ﺍﻥ ﮐﺎ ﺑﮭﯽ ﺍﭘﻨﯽ ﮨﯽ ﻃﺮﺡ ﺍﻧﺠﺎﻡ ﻧﮧ ﮨﻮ

ﺍﻥ ﮐﺎ ﺑﮭﯽ ﺟﻨﻮﻥ ﻧﺎﮐﺎﻡ ﻧﮧ ﮨﻮ

ﺍﻥ ﮐﮯ ﺑﮭﯽ ﻣﻘﺪﺭ ﻣﯿﮟ ﻟﮑﮭﯽ، ﺍﮎ ﺧﻮﻥ ﺳﮯ ﻟﺘﮭﮍﯼ ﺷﺎﻡ ﻧﮧ ﮨﻮ

ﺳﻮﺭﺝ ﮐﮯ ﻟﮩﻮ ﻣﯿﮟ ﻟﺘﮭﮍﯼ ﮨﻮﺋﯽ ﻭﮦ ﺷﺎﻡ ﮨﮯ ﺍﺏ ﺗﮏ ﯾﺎﺩ ﻣﺠﮭﮯ

ﭼﺎﮨﺖ ﮐﮯ ﺳﻨﮩﺮﮮ ﺧﻮﺍﺑﻮﮞ ﮐﺎ ﺍﻧﺠﺎﻡ ﮨﮯ ﺍﺏ ﺗﮏ ﯾﺎﺩ ﻣﺠﮭﮯ

ﮨﻤﺎﺭﺍ ﭘﯿﺎﺭ ﺣﻮﺍﺩﺙ ﮐﯽ ﺗﺎﺏ ﻻ ﻧﮧ ﺳﮑﺎ

ﻣﮕﺮ ﺍﻧﮩﯿﮟ ﺗﻮ ﻣﺮﺍﺩﻭﮞ ﮐﯽ ﺭﺍﺕ ﻣﻞ ﺟﺎﺋﮯ

ﮨﻤﯿﮟ ﺗﻮ ﮐﺸﻤﮑﺶِ ﻣﺮﮒِ ﺑﮯ ﺍﻣﺎﮞ ﮨﯽ ﻣﻠﯽ

ﺍﻧﮩﯿﮟ ﺗﻮ ﺟﮭﻮﻣﺘﯽ ﮔﺎﺗﯽ ﺣﯿﺎﺕ ﻣﻞ ﺟﺎﺋﮯ

ﺑﮩﺖ ﺩﻧﻮﮞ ﺳﮯ ﮨﮯ ﯾﮧ ﻣﺸﻐﻠﮧ ﺳﯿﺎﺳﺖ ﮐﺎ

ﮐﮧ ﺟﺐ ﺟﻮﺍﻥ ﮨﻮﮞ ﺑﭽﮯ ﺗﻮ ﻗﺘﻞ ﮨﻮ ﺟﺎﺋﯿﮟ

ﺑﮩﺖ ﺩﻧﻮﮞ ﺳﮯ ﯾﮧ ﮨﮯ ﺧﺒﻂ ﺣﮑﻤﺮﺍﻧﻮﮞ ﮐﺎ

ﮐﮧ ﺩﻭﺭ ﺩﻭﺭ ﮐﮯ ﻣﻠﮑﻮﮞ ﻣﯿﮟ ﻗﺤﻂ ﺑﻮ ﺟﺎﺋﯿﮟ

ﺑﮩﺖ ﺩﻧﻮﮞ ﺳﮯ ﺟﻮﺍﻧﯽ ﮐﮯ ﺧﻮﺍﺏ ﻭﯾﺮﺍﮞ ﮨﯿﮟ

ﺑﮩﺖ ﺩﻧﻮﮞ ﺳﮯ ﻣﺤﺒﺖ ﭘﻨﺎﮦ ﮈﮬﻮﻧﮉﺗﯽ ﮨﮯ

ﺑﮩﺖ ﺩﻧﻮﮞ ﺳﮯ ﺳﺘﻢ ﺩﯾﺪﮦ ﺷﺎﮨﺮﺍﮨﻮﮞ ﻣﯿﮟ

ﻧﮕﺎﺭِ ﺯﯾﺴﺖ ﮐﯽ ﻋﺼﻤﺖ ﭘﻨﺎﮦ ﮈﮬﻮﻧﮉﺗﯽ ﮨﮯ

ﭼﻠﻮ ﮐﮧ ﺁﺝ ﺳﺒﮭﯽ ﭘﺎﺋﻤﺎﻝ ﺭﻭﺣﻮﮞ ﺳﮯ

ﮐﮩﯿﮟ ﮐﮧ ﺍﭘﻨﮯ ﮨﺮ ﺍﮎ ﺯﺧﻢ ﮐﻮ ﺯﺑﺎﮞ ﮐﺮ ﻟﯿﮟ

ﮨﻤﺎﺭﺍ ﺭﺍﺯ ﮨﻤﺎﺭﺍ ﻧﮩﯿﮟ، ﺳﺒﮭﯽ ﮐﺎ ﮨﮯ

ﭼﻠﻮ ﮐﮧ ﺳﺎﺭﮮ ﺯﻣﺎﻧﮯ ﮐﻮ ﺭﺍﺯﺩﺍﮞ ﮐﺮﻟﯿﮟ

ﭼﻠﻮ ﮐﮧ ﭼﻞ ﮐﮯ ﺳﯿﺎﺳﯽ ﻣﻘﺎﻣﺮﻭﮞ ﺳﮯ ﮐﮩﯿﮟ

ﮐﮧ ﮨﻢ ﮐﻮ ﺟﻨﮓ ﻭ ﺟﺪﻝ ﮐﮯ ﭼﻠﻦ ﺳﮯ ﻧﻔﺮﺕ ﮨﮯ

ﺟﺴﮯ ﻟﮩﻮ ﮐﮯ ﺳﻮﺍ ﮐﻮﺋﯽ ﺭﻧﮓ ﺭﺍﺱ ﻧﮧ ﺁﺋﮯ

ﮨﻤﯿﮟ ﺣﯿﺎﺕ ﮐﮯ ﺍُﺱ ﭘﯿﺮﮨﻦ ﺳﮯ ﻧﻔﺮﺕ ﮨﮯ

ﮐﮩﻮ ﮐﮧ ﺍﺏ ﮐﻮﺋﯽ ﻗﺎﺗﻞ ﺍﮔﺮ ﺍﺩﮬﺮ ﺁﯾﺎ

ﺗﻮ ﮨﺮ ﻗﺪﻡ ﭘﮧ ﺯﻣﯿﮟ ﺗﻨﮓ ﮨﻮﺗﯽ ﺟﺎﺋﮯ ﮔﯽ

ﮨﺮ ﺍﯾﮏ ﻣﻮﺝ ِ ﮨﻮﺍ ﺭﺥ ﺑﺪﻝ ﮐﮯ ﭼﮭﭙﭩﮯ ﮔﯽ

ﮨﺮ ﺍﯾﮏ ﺷﺎﺥ ﺭﮒِ ﺳﻨﮓ ﮨﻮﺗﯽ ﺟﺎﺋﮯ ﮔﯽ

ﺍﭨﮭﻮ ﮐﮧ ﺁﺝ ﮨﺮ ﺍﮎ ﺟﻨﮓ ﺟﻮ ﺳﮯ ﯾﮧ ﮐﮩﯿﮟ ﺩﯾﮟ

ﮐﮧ ﮨﻢ ﮐﻮ ﮐﺎﻡ ﮐﯽ ﺧﺎﻃﺮ ﮐﻠﻮﮞ ﮐﯽ ﺣﺎﺟﺖ ﮨﮯ

ﮨﻤﯿﮟ ﮐﺴﯽ ﮐﯽ ﺯﻣﯿﮟ ﭼﮭﯿﻨﻨﮯ ﮐﺎ ﺷﻮﻕ ﻧﮩﯿﮟ

ﮨﻤﯿﮟ ﺗﻮ ﺍﭘﻨﯽ ﺯﻣﯿﮟ ﭘﺮ ﮨﻠﻮﮞ ﮐﯽ ﺣﺎﺟﺖ ﮨﮯ

ﮐﮩﻮ ﮐﮧ ﺍﺏ ﮐﻮﺋﯽ ﺗﺎﺟﺮ ﺍﺩﮬﺮ ﮐﺎ ﺭﺥ ﻧﮧ ﮐﺮﮮ

ﺍﺏ ﺍﺱ ﺟﮕﮧ ﮐﻮﺋﯽ ﮐﻨﻮﺍﺭﯼ ﻧﮧ ﺑﯿﭽﯽ ﺟﺎﺋﮯ ﮔﯽ

ﯾﮧ ﮐﮭﯿﺖ ﺟﺎﮒ ﭘﮍﮮ، ﺍُﭨﮫ ﮐﮭﮍﯼ ﮨﻮﺋﯿﮟ ﻓﺼﻠﯿﮟ

ﺍﺏ ﺍﺱ ﺟﮕﮧ ﮐﻮﺋﯽ ﮐﯿﺎﺭﯼ ﻧﮧ ﺑﯿﭽﯽ ﺟﺎﺋﮯ ﮔﯽ

ﯾﮧ ﺳﺮﺯﻣﯿﻦ ﮨﮯ ﮔﻮﺗﻢ ﮐﯽ ﺍﻭﺭ ﻧﺎﻧﮏ ﮐﯽ

ﺍﺱ ﺍﺭﺽ ﭘﺎﮎ ﭘﮧ ﻭﺣﺸﯽ ﻧﮧ ﭼﻞ ﺳﮑﯿﮟ ﮔﮯ ﮐﺒﮭﯽ

ﮨﻤﺎﺭﺍ ﺧﻮﻥ ﺍﻣﺎﻧﺖ ﮨﮯ ﻧﺴﻞِ ﻧﻮ ﮐﮯ ﻟﯿﮯ

ﮨﻤﺎﺭﮮ ﺧﻮﻥ ﭘﮧ ﻟﺸﮑﺮ ﻧﮧ ﭘﻞ ﺳﮑﯿﮟ ﮔﮯ ﮐﺒﮭﯽ

ﮐﮩﻮ ﮐﮧ ﺁﺝ ﺑﮭﯽ ﮨﻢ ﺳﺐ ﺍﮔﺮ ﺧﻤﻮﺵ ﺭﮨﮯ

ﺗﻮ ﺍﺱ ﺩﻣﮑﺘﮯ ﮨﻮﺋﮯ ﺧﺎﮐﺪﺍﮞ ﮐﯽ ﺧﯿﺮ ﻧﮩﯿﮟ

ﺟﻨﻮﮞ ﮐﯽ ﮈﮬﺎﻟﯽ ﮨﻮﺋﯽ ﺍﯾﭩﻤﯽ ﺑﻼﻭﮞ ﺳﮯ

ﺯﻣﯿﮟ ﮐﯽ ﺧﯿﺮ ﻧﮩﯿﮟ، ﺁﺳﻤﺎﮞ ﮐﯽ ﺧﯿﺮ ﻧﮩﯿﮟ

ﮔﺬﺷﺘﮧ ﺟﻨﮓ ﻣﯿﮟ ﮔﮭﺮ ﮨﯽ ﺟﻠﮯ ﻣﮕﺮ ﺍﺱ ﺑﺎﺭ

ﻋﺠﺐ ﻧﮩﯿﮟ ﮐﮧ ﯾﮧ ﺗﻨﮩﺎﺋﯿﺎﮞ ﺑﮭﯽ ﺟﻞ ﺟﺎﺋﯿﮟ

ﮔﺰﺷﺘﮧ ﺟﻨﮓ ﻣﯿﮟ ﭘﯿﮑﺮ ﺟﻠﮯ ﻣﮕﺮ ﺍﺱ ﺑﺎﺭ

ﻋﺠﺐ ﻧﮩﯿﮟ ﮐﮧ ﯾﮧ ﭘﺮﭼﮭﺎﺋﯿﺎﮞ ﺑﮭﯽ ﺟﻞ ﺟﺎﺋﯿﮟ

ﺗﺼﻮﺭﺍﺕ ﮐﯽ ﭘﺮﭼﮭﺎﺋﯿﺎﮞ ﺍﺑﮭﺮﺗﯽ ﮨﯿﮟ