اداکار نیر اعجاز نے انکشاف کیا ہے کہ اداکار ندیم بیگ ،شان شاہد اور سونیا حسین

  اداکار نیر اعجاز نے انکشاف کیا ہے کہ اداکار ندیم بیگ ،شان شاہد اور سونیا حسین شوٹنگ سیٹ پر تاخیر سے آتے ہیں، ساتھ ہی انہوں نے تینوں اداکا...

 

اداکار نیر اعجاز نے انکشاف کیا ہے کہ اداکار ندیم بیگ ،شان شاہد اور سونیا حسین شوٹنگ سیٹ پر تاخیر سے آتے ہیں، ساتھ ہی انہوں نے تینوں اداکاری کی اداکاری کی تعریفیں بھی کیں۔

نیر اعجاز نے پوڈکاسٹ میں شرکت کی، جہاں انہوں نے مختلف معاملات پر کھل کر گفتگو کی اور انڈسٹری کے حوالے سے بھی بات کی۔

اگر انہیں موقع ملا تو وہ بھارتی فلم ساز پریا درشن اور اداکارہ کمل ہاسن کے ساتھ کام کرنا چاہیں گے، انہیں کمل ہاسن کی اداکاری نیچرل لگتی ہے۔انہوں نے لولی وڈ کی تباہی پر بات کرتے ہوئے کہا کہ پاکستانی فلم انڈسٹری کو برباد کرنے میں سب کا کردار رہا ہے، کسی نے انڈسٹری کو بہتر اور مضبوط بنانے کی کوشش اور خواہش نہیں رکھی۔عام طور پر ایسا ہوتا ہے جو سپر اسٹار بن جاتا ہے، جس کی فلمیں چلنے لگی ہیں اور جس کی فلمیں زیادہ آنے لگتی ہیں، وہ شخص پھر انڈسٹری کو اپنے حساب سے چلانے کی کوشش کرتا ہے، وہ فیصلہ کرتا ہے کہ اسے تاخیر سے آنا اور جلد جانا ہے۔

نیر اعجاز نے یہ بھی کہا کہ متعدد اداکاروں نے انہیں ڈراموں سے نکلوایا، کیونکہ وہ ان کی اداکاری سے خود کو غیر محفوظ تصور کرتے تھے، تاہم انہوں نے کسی کا نام نہیں لیا۔

وہ اپنے کرداروں کو عام افراد جیسا رکھنے کی کوشش کرتے ہیں اور اس کے لیے وہ گلی، محلوں اور دکانوں پر ملنے والے عام افراد کے لہجے، چلنے کے انداز اور بول چال کو نوٹ کرکے کرداروں میں ڈھالنے کی کوشش کرتے ہیں۔

نیر اعجاز نے بتایا کہ وہ ایک ہی شادی کے قائل ہیں، انہوں نے کبھی دوسری شادی کا سوچا، نہ ان کا ارادہ ہے۔ انہیں دوسری شادی کے لیے کوئی نہ کوئی سبب یا بہانا چاہیے لیکن ان کے پاس ایسا کوئی جواز نہیں کہ وہ دوسری شادی کریں، وہ مشرقی مرد ہیں، وہ ایک ہی بیوی سے بہت خوش اور پرسکون ہیں۔